गत महिना लगनगाँठो कसेका क्रिकेटर शरद भेसावकर र अभिनेत्री निशा अधिकारी भारतको बैंगलोर स्थित आर्ट अफ लिभिंग अन्तर्राष्ट्रिय केन्द्रमा पुगेर आर्ट अफ लिभिंगका संस्थापक श्रीश्री रबिशंकरको शरणमा पुगेका छन ।शरदले आफ्नो फेसबुकमा श्रीश्री रबिशंकरसंगको तस्बिर राख्दै आशीर्वाद ग्रहण गरिरहेको लेखेका छन् । उता निशाले पनि फेसबुकमा भर्खरै बिबाहित जोडीलाई श्रीश्रीबाट आशिर्वाद प्राप्त भनेर फोटो सहित स्टाटस राखेकि छिन् । शरद लगायत नेपाली रास्ट्रिय क्रिकेट टिमले सन् २०१३ मा आर्ट अफ लिभिंगको कोर्स समेत गरेका थिए जुन बेला देखि शरद आर्ट अफ लिभिंगसंग नियमित रुपमा जोडिएका छन् र श्रीश्री रबिशंकरलाई गुरु मान्ने गरेका छन् । बिबाह पछि पहिलो भ्रमणनै धार्मिक गुरु रबिशंकरको स्थानमा गर्नुले दुवैको अध्यात्मिक रुची देखिएको छ । शरद र निशा दुवै अध्यात्ममा रुची राख्ने गर्छन् l दुवैले कठिन मानिने बिपस्यना ध्यान गरिसकेका छन् भने नियमित रुपमा ध्यान समेत गर्नेगरेका छन् ।
